129
A ninge utano hinahaan uram Ierusalem.
1 “Di gate helar tagu ing iau ga marawaan taar tuk taar kaiken.”
Na tahut bia Israel na tange habaling hoken:
2 “Di gate helar tagu ing iau ga marawaan taar tuk taar kaiken.
Iesen diet pai ga petlaar bia diet na paas hasur iau.
3 Di ga hadangat haliare iau
hoing bia ira ut na tintol diet te rup no pise.
4 Iesen no Watong i takodas.
I te kut palas ise iau tano winiwis ta ira ut na sakena.”
5 Iau sasaring bia i tale bia da pasak pukus diet ing diet malentakuane Saion,
ma bia diet na haan laah um ma ra hirhir.
6 Iau sasaring bia diet na haruat ma ra huro naliu tano ula hala
ing no kasakes na se hamarangai ma pa na kubur.
7 Pa taie tikai i tale bia na hahungi no limana ma tari,
ma bia na ru tikane ma na pise tiga pok.
8 Ma taie tikai nong na haan saakit na tale bia na tange bia,
“No Watong na haidane ugu!
Mehet haidane ugu tano hinsana no Watong.”