Η Καινή Διαθήκη ΠΡΑΞΕΙΣ ΑΠΟΣΤΟΛΩΝ 25

Paul’s Trial Before Festus

1 Φῆστος οὖν ἐπιβὰς τῇ *ἐπαρχίᾳ μετὰ τρεῖς ἡμέρας ἀνέβη εἰς Ἱεροσόλυμα ἀπὸ †Καισαρείας, 2 ἐνεφάνισαν ‡δὲ αὐτῷ §ὁ ἀρχιερεὺς καὶ οἱ πρῶτοι τῶν Ἰουδαίων κατὰ τοῦ Παύλου, καὶ παρεκάλουν αὐτὸν 3 αἰτούμενοι χάριν κατ᾽ αὐτοῦ ὅπως μεταπέμψηται αὐτὸν εἰς Ἱερουσαλήμ, ἐνέδραν ποιοῦντες ἀνελεῖν αὐτὸν κατὰ τὴν ὁδόν. 4 ὁ μὲν οὖν Φῆστος ἀπεκρίθη τηρεῖσθαι τὸν Παῦλον *ἐν Καισαρείᾳ, ἑαυτὸν δὲ μέλλειν ἐν τάχει ἐκπορεύεσθαι· 5 Οἱ οὖν †δυνατοὶ ἐν ὑμῖν, φησί, ‡συγκαταβάντες εἴ τί ἐστιν §ἐν τῷ ἀνδρὶ τούτῳ κατηγορείτωσαν αὐτοῦ.

6 Διατρίψας δὲ ἐν αὐτοῖς ἡμέρας *πλείους ἢ δέκα, καταβὰς εἰς †Καισάρειαν, τῇ ἐπαύριον καθίσας ἐπὶ τοῦ βήματος ἐκέλευσε τὸν Παῦλον ἀχθῆναι. 7 παραγενομένου δὲ αὐτοῦ ‡περιέστησαν οἱ ἀπὸ Ἱεροσολύμων καταβεβηκότες Ἰουδαῖοι πολλὰ καὶ βαρέα §αἰτιώματα *φέροντες κατὰ τοῦ Παύλου, ἃ οὐκ ἴσχυον ἀποδεῖξαι, 8 †ἀπολογουμένου αὐτοῦ ὅτι Οὔτε εἰς τὸν νόμον τῶν Ἰουδαίων οὔτε εἰς τὸ ἱερὸν οὔτε εἰς Καίσαρά τι ἥμαρτον. 9 ὁ Φῆστος δὲ ‡τοῖς Ἰουδαίοις θέλων χάριν καταθέσθαι ἀποκριθεὶς τῷ Παύλῳ εἶπε, Θέλεις εἰς §Ἱεροσόλυμα ἀναβὰς ἐκεῖ περὶ τούτων *κρίνεσθαι †ἐπ᾽ ἐμοῦ; 10 εἶπε δὲ ὁ Παῦλος, ‡Ἐπὶ τοῦ βήματος Καίσαρος ἑστώς εἰμι, οὗ με δεῖ κρίνεσθαι. Ἰουδαίους οὐδὲν §ἠδίκησα, ὡς καὶ σὺ κάλλιον ἐπιγινώσκεις. 11 εἰ μὲν *γὰρ ἀδικῶ καὶ ἄξιον θανάτου πέπραχά τι, οὐ παραιτοῦμαι τὸ ἀποθανεῖν· εἰ δὲ οὐδέν ἐστιν ὧν οὗτοι κατηγοροῦσί μου, οὐδείς με δύναται αὐτοῖς χαρίσασθαι· Καίσαρα ἐπικαλοῦμαι. 12 τότε ὁ Φῆστος †συλλαλήσας μετὰ τοῦ συμβουλίου ἀπεκρίθη, Καίσαρα ἐπικέκλησαι· ἐπὶ Καίσαρα πορεύσῃ.

Festus Consults King Agrippa

13 Ἡμερῶν δὲ διαγενομένων τινῶν Ἀγρίππας ὁ βασιλεὺς καὶ Βερνίκη κατήντησαν εἰς ‡Καισάρειαν §ἀσπασόμενοι τὸν Φῆστον. 14 ὡς δὲ πλείους ἡμέρας *διέτριβεν ἐκεῖ, ὁ Φῆστος τῷ βασιλεῖ ἀνέθετο τὰ κατὰ τὸν Παῦλον λέγων, Ἀνήρ τίς ἐστι †καταλελειμμένος ὑπὸ Φήλικος δέσμιος, 15 περὶ οὗ γενομένου μου εἰς Ἱεροσόλυμα ἐνεφάνισαν οἱ ἀρχιερεῖς καὶ οἱ πρεσβύτεροι τῶν Ἰουδαίων αἰτούμενοι κατ᾽ αὐτοῦ ‡δίκην· 16 πρὸς οὓς ἀπεκρίθην ὅτι οὐκ ἔστιν ἔθος Ῥωμαίοις χαρίζεσθαί τινα ἄνθρωπον §εἰς ἀπώλειαν πρὶν ἢ ὁ κατηγορούμενος κατὰ πρόσωπον ἔχοι τοὺς κατηγόρους τόπον τε ἀπολογίας λάβοι περὶ τοῦ ἐγκλήματος. 17 συνελθόντων οὖν *αὐτῶν ἐνθάδε ἀναβολὴν μηδεμίαν ποιησάμενος τῇ ἑξῆς καθίσας ἐπὶ τοῦ βήματος ἐκέλευσα ἀχθῆναι τὸν ἄνδρα· 18 περὶ οὗ σταθέντες οἱ κατήγοροι οὐδεμίαν αἰτίαν †ἐπέφερον ὧν ‡ὑπενόουν ἐγώ, 19 ζητήματα δέ τινα περὶ τῆς ἰδίας δεισιδαιμονίας εἶχον πρὸς αὐτὸν καὶ περί τινος Ἰησοῦ τεθνηκότος, ὃν ἔφασκεν ὁ Παῦλος ζῆν. 20 ἀπορούμενος δὲ ἐγὼ §τὴν περὶ *τούτου ζήτησιν ἔλεγον εἰ βούλοιτο πορεύεσθαι εἰς †Ἱερουσαλὴμ κἀκεῖ κρίνεσθαι περὶ τούτων. 21 τοῦ δὲ Παύλου ἐπικαλεσαμένου τηρηθῆναι αὐτὸν εἰς τὴν τοῦ Σεβαστοῦ διάγνωσιν, ἐκέλευσα τηρεῖσθαι αὐτὸν ἕως οὗ ‡πέμψω αὐτὸν πρὸς Καίσαρα. 22 Ἀγρίππας δὲ πρὸς τὸν Φῆστον §ἔφη, Ἐβουλόμην καὶ αὐτὸς τοῦ ἀνθρώπου ἀκοῦσαι. *ὁ δέ, Αὔριον, φησίν, ἀκούσῃ αὐτοῦ.

Paul Brought Before King Agrippa

23 Τῇ οὖν ἐπαύριον ἐλθόντος τοῦ Ἀγρίππα καὶ τῆς Βερνίκης μετὰ πολλῆς φαντασίας καὶ εἰσελθόντων εἰς τὸ ἀκροατήριον, σύν τε †τοῖς χιλιάρχοις καὶ ἀνδράσι τοῖς κατ᾽ ἐξοχὴν ‡οὖσι τῆς πόλεως, καὶ κελεύσαντος τοῦ Φήστου ἤχθη ὁ Παῦλος. 24 καί φησιν ὁ Φῆστος, Ἀγρίππα βασιλεῦ καὶ πάντες οἱ §συμπαρόντες ἡμῖν ἄνδρες, θεωρεῖτε τοῦτον περὶ οὗ *πᾶν τὸ πλῆθος τῶν Ἰουδαίων †ἐνέτυχόν μοι ἔν τε Ἱεροσολύμοις καὶ ἐνθάδε ‡ἐπιβοῶντες μὴ δεῖν §ζῆν αὐτὸν μηκέτι. 25 ἐγὼ δὲ *καταλαβόμενος μηδὲν ἄξιον †θανάτου αὐτὸν πεπραχέναι, ‡καὶ αὐτοῦ δὲ τούτου ἐπικαλεσαμένου τὸν Σεβαστόν, ἔκρινα πέμπειν §αὐτόν. 26 περὶ οὗ ἀσφαλές τι γράψαι τῷ κυρίῳ οὐκ ἔχω· διὸ προήγαγον αὐτὸν ἐφ᾽ ὑμῶν καὶ μάλιστα ἐπὶ σοῦ, βασιλεῦ Ἀγρίππα, ὅπως τῆς ἀνακρίσεως γενομένης σχῶ *τι γράψαι. 27 ἄλογον γάρ μοι δοκεῖ πέμποντα δέσμιον μὴ καὶ τὰς κατ᾽ αὐτοῦ αἰτίας σημᾶναι.

*25:1 επαρχια ¦ επαρχεια ᴄᴛ

†25:1 καισαρειας ¦ καισαριας ᴡʜ

‡25:2 δε ¦ τε ᴄᴛ

§25:2 ο αρχιερευς ¦ οι αρχιερεις ᴄᴛ ᴘᴄᴋ

*25:4 εν καισαρεια ¦ εις καισαρειαν ɴᴀ ꜱʙʟ ᴛʜ ¦ εις καισαριαν ᴡʜ

†25:5 δυνατοι εν υμιν φησι ¦ εν υμιν φησι δυνατοι ᴄᴛ

‡25:5 συγκαταβαντες ¦ συνκαταβαντες ᴛʜ ᴡʜ

§25:5 εν τω ανδρι τουτω 72.6% ¦ εν τω ανδρι τουτω ατοπον ᴍꜱꜱ 14.2% ¦ εν τω ανδρι ατοπον ᴄᴛ 9.3% ¦ ατοπον εν τω ανδρι τουτω ꜱᴄʀ 2.9%

*25:6 πλειους ¦ ου πλειους οκτω ᴄᴛ

†25:6 καισαρειαν ¦ καισαριαν ᴡʜ

‡25:7 περιεστησαν ¦ περιεστησαν αυτον ᴄᴛ

§25:7 αιτιωματα ¦ αιτιαματα ᴘᴄᴋ ᴛʀ

*25:7 φεροντες κατα του παυλου ¦ καταφεροντες ᴄᴛ

†25:8 απολογουμενου αυτου ¦ του παυλου απολογουμενου ᴄᴛ

‡25:9 τοις ιουδαιοις θελων ¦ θελων τοις ιουδαιοις ᴀɴᴛ ᴄᴛ

§25:9 ιεροσολυμα ¦ ιερουσαλημ ᴀɴᴛ

*25:9 κρινεσθαι ¦ κριθηναι ᴄᴛ

†25:9 επ ¦ υπ ᴘᴄᴋ

‡25:10 επι του βηματος καισαρος εστως ¦ εστως επι του βηματος καισαρος ᴡʜ

§25:10 ηδικησα ¦ ηδικηκα ᴛʜ ᴡʜ

*25:11 γαρ ¦ ουν ᴄᴛ

†25:12 συλλαλησας ¦ συνλαλησας ᴛʜ ᴡʜ

‡25:13 καισαρειαν ¦ καισαριαν ᴡʜ

§25:13 ασπασομενοι ¦ ασπασαμενοι ᴄᴛ ʜꜰ ʀᴘ

*25:14 διετριβεν ¦ διετριβον ᴀɴᴛ ᴄᴛ ᴘᴄᴋ ᴛʀ

†25:14 καταλελειμμενος ¦ καταλελιμμενος ᴡʜ

‡25:15 δικην ¦ καταδικην ᴄᴛ

§25:16 εις απωλειαν 89.9% ¦ — ᴄᴛ 7.4%

*25:17 αυτων 87.4% ¦ — ꜱʙʟ ᴡʜ 7%

†25:18 επεφερον ¦ εφερον ᴄᴛ

‡25:18 υπενοουν εγω ¦ εγω υπενοουν πονηρων ꜱʙʟ ᴡʜ ¦ εγω υπενοουν πονηραν ɴᴀ ᴛʜ

§25:20 την περι ¦ περι την ᴘᴄᴋ ¦ εις την περι ᴛʀ

*25:20 τουτου ¦ τουτων ᴄᴛ ᴘᴄᴋ

†25:20 ιερουσαλημ ¦ ιεροσολυμα ᴀɴᴛ ᴄᴛ

‡25:21 πεμψω ¦ αναπεμψω ᴄᴛ

§25:22 εφη ¦ — ᴄᴛ

*25:22 ο δε ¦ — ᴄᴛ

†25:23 τοις ¦ — ᴄᴛ

‡25:23 ουσι ¦ — ᴄᴛ

§25:24 συμπαροντες ¦ συνπαροντες ᴛʜ ᴡʜ

*25:24 παν ¦ απαν ᴄᴛ

†25:24 ενετυχον ¦ ενετυχε ᴡʜ

‡25:24 επιβοωντες ¦ βοωντες ᴄᴛ

§25:24 ζην αυτον ¦ αυτον ζην ᴄᴛ

*25:25 καταλαβομενος ¦ κατελαβομην ᴄᴛ

†25:25 θανατου αυτον ¦ αυτον θανατου ᴄᴛ

‡25:25 και ¦ — ᴄᴛ

§25:25 αυτον ¦ — ᴄᴛ

*25:26 τι γράψαι ¦ τί γράψω ᴄᴛ

Public Domain