2
Iyona ina kawanoi
1 E tuwo Iyonayana íyana sinaena goi ikawanoi Yauwe ina Yaubada yaina 2 idigo kana,
‘Guna kategeda goi Yauwe atumadadem,
e kukatumapugu.†aSame 3:4; Taiyakuwokúwala 3:55.
Same 120:1
Saola goi apodeda vaita manuna,
e guna kawanoi kunove.†bSame 118:5.
3 Boi kulavegu asou ana dimówana tututu goi,
e négwasa ilataoigu
be nakae im kaivaya gagaidi sikautumgu.†Same 42:7, 88:6.
4 Tuwo yau guna nuwonúwana kagu,
“Matam goi bogina kuvatapiyegu.”†Same 31:22.
Go tuwo nava bei im Vada Kimaasabaina‡Im Vada Kimaasabaina: Ame nakona Yaubada ina Vada Kimaasabaina gagaina Yerusalema goi. agitemnei.
5 Asou négwasa ituko ima nukotogu goi,†Same 69:1; Taiyakuwokúwala 3:54.
nakae dimówana ilataoigu,
e dodouna dabagu ipaimi.
6 Asou ana niku unana toina goi.
Ana kaigigita aliupa ikaaiyaka ikaubodegu,
tauna deri nakae akaaiyaka.
Go Yauwe, guna Yaubada,
ámasa goi ma yawoigu kwabimneigu.†Same 103:4.
7 E guna lotówana alotowo bego akámasa go,
Yauwe anuwookavate.
Tuwo akawanoiyem,
e guna kawanoiyana ituko iwo
im Vada Kimaasabaina‡Im Vada Kimaasabaina: Ame nakona yábana idigedige, moe Yaubada ina Kaba Kaiyaka. goi kunovegu.†2 Tétala 30:27; Same 142:3.
8 Avatauwa neta siinumisa tokwalu
geya basabasaidimo yaidi goi,
e Yauwe ina lokata geya sibabaneyeta.†Same 31:6.
9 Go yau sem magu vesi kaauyaguna
bei yoguyogu akasale Kom yaim.
Kaga boi akaatotuli moitamo nakae bei aguinuwe.†Same 50:14,23.
¡Ada yava Yauwe goi ima!’
Same 3:8
10 E iyanayana kina Yauwe ilovinae Iyona ilagobe. Tuwo moitamo ilagobe ina mamaya goi itowo.
†a2:2 Same 3:4; Taiyakuwokúwala 3:55.
†b2:2 Same 118:5.
†2:3 Same 42:7, 88:6.
†2:4 Same 31:22.
‡2:4 Im Vada Kimaasabaina: Ame nakona Yaubada ina Vada Kimaasabaina gagaina Yerusalema goi.
†2:5 Same 69:1; Taiyakuwokúwala 3:54.
†2:6 Same 103:4.
‡2:7 Im Vada Kimaasabaina: Ame nakona yábana idigedige, moe Yaubada ina Kaba Kaiyaka.
†2:7 2 Tétala 30:27; Same 142:3.
†2:8 Same 31:6.
†2:9 Same 50:14,23.